Ongi etorri Leire Urra Psikoterapia zentrora!

Zure ongizate emozional eta mentala indartzeko bidelaguntza eskaintzen dizut.

Osasun emozionala

“Helburua da zure osasun emozional eta mentala sustatzea”

Horretarako behar dituzun baliabideak eskainiko dizkizut, zure buruarekin eta ingurukoekin harreman hobeak izan ditzazun. Gure emozioak baliabide eta tresna berriekin kudeatzen ditugunean, gure gatazkak eta gure sentitzeko modua bideratzen eta eraldatzen dira.

Leire Urra Bengoa: Psikologoa - Psikoterapeuta

Pertsona bakoitzaren beharrak entzuten eta babesten ditugu

Bizi esperientziek, lanketa pertsonalak eta etengabeko formakuntzak ahalbidetu dit hainbeste betetzen nauen eta disfrutatzen dudan lanbidean jardutea.

Niri buruz

Kontaktatu

Laguntza profesionala

“Bizitzako momentu batzuetan laguntza profesionala behar izaten dugu”

Emozio zailak, ondoeza, kezkak, obsesioak, tristura, antsietatea, depresioa, doluak, krisi pertsonalak, beldurrak, harremanetan arazoak, autoestima falta…

Onurak

Zer den eta zertarako balio duen psikoterapiak

Zuretzako espazio propio bat da, zure buruarentzat esklusiboa izango den gunea, gertatzen zaizunari buruz kontzientzia hartzeko.

Bizitzen ari zaren prozesuetan zehar barne-bidaia bat egitea da.

Bidelaguntzarekin egiten den barne-bidaia bat da.

Zure burua ezagutu eta ongizate emozional eta mentala indartzeko bidea da.

Konfiantza, entzutea, errespetua eta laguntza terapeutikoa

Nire psikoterapia zentroan pertsona bakoitzak behar duenean jartzen dut arreta, bakoitzak dakarrena entzun eta konfiantzazko, gertuko eta guztiz konfidentziala den bidelaguntza profesionala eskaintzen dut. Pertsona bakoitzaren erritmo, behar eta prozesua errespetatzen dut.

Bezeroen testigantzak

Nire bezeroek esaten dutena

Laguntza behar nuela onartu eta lagun baten bitartez jo nuen Leirengana. Lehenengo saiotik lagundu nau neure burua ezagutu eta ulertzen, baita eman behar ditudan pausoak nola eman ikasten. Gertutasuna eta profesionaltasuna azpimarratuko nituzke. Nire bidelagun bihurtu da!

María G.

48 urte

Leirek, batez ere, nire buruarekiko ikuspegia zabaltzen lagundu dit: enpatia, pazientzia, maitasuna, ulermena, poza, profesionaltasuna, epairik eman gabe, beti ekarpena egiten eta eskura dituen tresna guztiekin. Bidelagun handia da, ezagutzak transmititzen dituena, aholkularia, eta abar.

Bera aurkitzeak nire burua aurkitzera narama, eta egunetik egunera seguruago nago terapia prozesuan hastea hartu dudan erabakirik onena izan dela.

Izaskun I.

44 urte

Leirerekin izandako esperientzia oso positiboa izaten ari da. Emozioen inguruko kurtso batean ezagutu genuen elkar, eta horren lagungarria eta hurbila iruditu zitzaidan non terapia indibidualean hastea erabaki nuen. Bizitzan egin dudan erabaki onen zerrendan sartzen dut hautu hau ere. Leirek lagundu dit nire introspekzio begirada osatzen, zailtasunak izaten ditudan egoeren aurrean tresna errealak eskuratzen eta niganako zaintza nolakoa izan daitekeen deskubritzen (eremu zabalean).

Niretzat Leirerekin izandako saioak arnasgune dira, eta horren azkar bizi garen gizartean oso beharrezko ditut halako momentuak.

Asko gustatzen zaizkit egiten dituen metaforak, baita bidaltzen dituen “etxekolanak” eta ariketa errealak ere. Norbere burua ezagutu eta ulertu nahi duen edonori aholkatuko nioke terapia hau, ni ia ia “nahigabe” hasi eta neure buruari askotan eskertzen diodan hautua baita.

Jone E.

23 urte

Niretzako Leirerekin egindako terapia prozesua heldutasun ariketa bat izan da, heldutasuna eta nirekiko ardura hartzea. Nire jokabideak hobeto ulertzen ditut orain, eta kontzienteago naiz sentitzen eta egiten dudanaz. Esango nuke egindako lanagatik nire burua gehiago ulertzen eta maitatzen dudala. Nire barneko haurra besarkatzen dut, terapia prozesuan ikasitakoarekin haur horri lagundu egiten diot.